“Discover your comparative advantage.”

ကုန်သွယ်ရေးလွတ်လပ်မှုက နိုင်ငံများအကြား ကုန်ပစ္စည်းများ ပိုမိုထွက်ရှိစေပြီး၊ လူနေမှု အဆင့်အတန်း ပိုမိုမြင့်မားလာစေသည်ကို ရှင်းပြရန်အတွက် နှိုင်းယှဥ်အားသာချက် နိယာမကို အသုံးချလေ့ရှိကြသည်။ နိုင်ငံ နှစ်နိုင်ငံအနက် နိုင်ငံတစ်ခုက အစစအရာရာကို အကောင်းဆုံး၊ စျေးအချိုဆုံး ထုတ်လုပ်နိုင်သည့်တိုင် ယင်းနိုင်ငံနှစ်နိုင်ငံအကြား ကုန်သွယ်လျှင်ပင် နှစ်ဘက်အကျိုးရှိနိုင်ပါသည်။ နှိုင်းယှဥ်အားသာချက် နိယာမက နိုင်ငံများအတွက်သာမက တစ်ဦးချင်း ဥစ္စဓနရှာဖွေရေး အတွက်လည်း အရေးပါသည်။ ယင်းနှိုင်းယှဥ်အားသာချက်ရှိသည် ကိစ္စရပ်များတွင် အထူးပြုလုပ်ကိုင်ခြင်းဖြင့် သင့်အနေဖြင့် ဟိုစပ်စပ်ဒီစပ်စပ်လုပ်နေခြင်းထက် ဝင်ငွေပိုရှာနိုင်ပေလိမ့်မည်။ ယင်းကျွမ်းကျင်အလုပ်တွင်ပင် သင့်အနေဖြင့် စင်းလုံးချော ကောင်းချင်မှ ကောင်းပေလိမ့်မည်။ အရေးကြီးသည်မှာ အခြားသူတို့ထက် ပိုကောင်းအောင် လုပ်နိုင်ဖို့ပင် ဖြစ်သည်။

၁။ မိမိ၏ အားသာချက်ကို ရှာပါ။

၂။ စွန့်ဦးတီထွင်ပါ။ စျေးကွက်စီးပွားရေးစနစ်တွင် တစ်ပါးသူတို့အား ကူညီခြင်းဖြင့် ပိုကောင်းမွန်သည့် လုပ်နည်းလုပ်ဟန်များ ရှာဖွေတွေ့ရှိခြင်းဖြင့် အများထက် ရှေ့ရောက်လာကြသည်။

၃။ ပုံမှန်ငွေစုတတ်လာစေရန်၊ ငွေကြေးကို အကျိုးရှိစွာ သုံးစွဲတတ်လာစေရန် စာရင်းဇယားထား၍ တွက်ချက်သုံးစွဲပါ။

၄။ မည်သည့်အရာအတွက်မျှ ယင်းအသုံးဝင်မည့် သက်တမ်းထက် ငွေကြေးပိုမိုသုံးစွဲခြင်း မပြုပါနှင့်။

ပြီးခဲ့သည့် ရာစုနှစ်တွင် လူသိများသည့် ဘောဂဗေဒ စာရေးဆရာ ဟင်နရီ ဟတ်ဇလစ်က စံပြဘောဂဗေဒ စာအုပ်ပါ သန်ခန်းစာတစ်ခုတွင် ဘောဂဗေဒအကြောင်း ရေးသားခဲ့သည်။ ဟတ်ဇလစ်၏ သင်ခန်းစာများထဲမှ တစ်ခုတွင် ဘောဂဗေဒ အဆိုပြုချက်တစ်ခုကို လေ့လာဆန်းစစ်သည့်အခါ လူတစ်ဦးသည် ချက်ချင်းလက်ငင်း ရလဒ်များကိုသာမက ရေရှည်ရလဒ်များကိုပါ လေ့လာစောင့်ကြည့်ရမည်။ ပင်းမအကျိုးဆက်များကိုသာမက ဆင့်ပွားအကျိုးဆက်များကိုလည်း စောင့်ကြည့်ရမည်။ အကျိုးစီးပွားတူအုပ်စုတစ်ချို့အပေါ် သက်ရောက်မှုကိုသာမက လူတိုင်းအပေါ် သက်ရောက်မှုကိုပါ မြင်အောင်ကြည့်ရမည်။