၁၃။ အောင်မြင်တဲ့ စိတ်ဓာတ်ဖြစ်နေပြီးဆိုရင် မဖြစ်နိုင်ဘူးဆိုတာ မရှိဘူး။ လောကမှာ အောင်မြင်ဖို့ အတွက် မဖြစ်မနေလုပ်ဆောင်မယ်ဆိုတဲ့ စိတ်ဓာတ်မျိုး ရှိဖို့ လိုတယ်။

၁၄။ လောကမှာ ခိုင်မာတဲ့ စိတ်ဓာတ်လောက် လေးစားဖို့ ကောင်းတာ မရှိပါဘူး။ ဒီလို စိတ်ဓာတ် မျိုးကို သာမာန် လူတွေ မထားနိုင်ဘူး။ ခိုင်မာတဲ့ စိတ်ဓာတ် ရှိသူတွဟာ ကိုယ်ဖြစ်ချင်တာကို နှစ်ရှည်လများစောင့်ပြီး ဇွဲ့လုံံ့လ ဝီရိယ အပြည့်နှင့် တည်ဆောက်နိုင်တယ်။ ဘယ်လို့ အခက်အခဲမျိုးပဲ ကြုံကြုံ စိတ်ဓာတ်မကျတဲ့ ကိုယ့်လျှောက်တဲ့လမ်းကို အဆုံးထိ ရောက်အောင် လျှောက်နိုင်တယ်။

၁၅။ နာကြည်းမှုတွ၊ စိတ်ဒဏ်ရာတွေနဲ့ ကြုံလာရတိုင်း အားအဖြစ် ယူဖို့ မမေ့ပါနဲ့။ အခက်အခဲများများ တွေ့လေ၊ အရည်အချင်းများများရလေပါပဲ။

၁၆။ အောင်မြင်မှုအတွက် စွန့်လွှတ်စွန့်စားဖို့ ဆုံးဖြတ်ပြီး သူတိုင်း အဆိုးမြင် သမားတွေ က ဖျက်လိုဖျက်ဆီးလုပ်ကြမှာပါ။ ဒီလူတွေဟာ ဘဝကို လွယ်လွယ်နဲ့ အရှုံးပေးတတ်ပြီး ဇွဲလုံ့လ ဝီရိယ မရှိတဲ့သူတွေပါ။ အကောင်းမြင် သမားကတော့ ဘဝမှာ ကြုံတွေ့လာမဲ့ အခက်အခဲတွေကို အကောင်းမြင်စိတ်နဲ့ ရင် ဆိုင်ဖြေရှင်းတတ်ပါတယ်။ အဖျက်ကို ဂရုမစိုက်ဘဲ အကောင်းမြင်စိတ်နဲ့ စွမ်းစွမ်းတမံ လုပ်ကြည့်စမ်းပါ။

၁၇။ လောကမှာ လိုချင်သူနဲ့ ပေးကမ်းသူဟာ ဘယ်တော့မှ တပြေညီ မဖြစ်နိုင်ဘူး။ ပေးကမ်းသူက အထက်၊ လိုချင်သူက အောက်မှာ ရှိတယ်။ လိုချင်သူ တစ်ဆင့်နိမ့်နေတယ်။ လောကမှာ နေရင် ဒီသဘောကို နားလည်ထားရမယ်။ ဒါကြောင့် သည်းခံစိတ်ကို မွေးရမယ်။ တစ်ခုခုလိုချင်ရင် တစ်ခုခုပေးဆပ်ရမယ်။ ပေးဆပ်ဖို့ အတွက် သတ္တိနည်းနေပြီး ဆိုရင် လိုချင်တာ ရမှာ မဟုတ်ဘူး။

၁၈။ လောကမှာ ဘာလုပ်လုပ် အကောင်းမြင်စိတ် နှင့် စတင်ဖို့ လိုတယ်။ အဆိုးမြင်စိတ်ရှိသူဟာ ဘယ်တော့မှ မကြီးဘွားနိုင်ဘူး။ အရာရာကို အဆိုးမြင်တဲ့သူဟာ ဘေးထိုင်ဘိုင်ကျပြီး ဘုပြောနေတဲ့ လူမျိုးပဲ။ အကောင်းမြင်စိတ်ရှိသူဟာ ဘယ်အလုပ်ပဲလုပ်လုပ် အကောင်းဘက်ကစတွေပြီး စတင်လုပ်ကိုင်ဖြစ်သွားတယ်။ ကြုံတွေ့ ရတဲ့ အခက်အခဲ့တွေကို စိတ်ဓာတ်မကျဘဲ အကောင်းမြင်စိတ်နဲ့ ဖြေရှင်းလေ့ရှိတယ်။ နောက်ဆုံးမှာ ဒီလို လူမျိုးတွေပဲ အောင်မြင်မှုကို ရရှိတတ်ကြတယ်။ ဒါကြောင့် အကောင်းမြင်စိတ်ကို မွေးဖို့ ကြိုးစားပါ။