သူတို့အဆုတ်၊ထားခဲ့မြု ပ်သည့်
ဗုံးငုတ်တိုက်မှား၊မောင်ပြောက်ကျားကို
ရွာသားရွာသူ၊မေးကြမြူ သည်
အူအူယမ်းငွေ့ ထတုန်းတည်း။

အမောင်ပြောက်ကျား၊ချစ်သူအားကို
ဘာများမှာခဲ့လိုသနည်း”။
“ငယ်ကကြင်မြတ်၊မိသက်မှတ်ကို
ခွင့်လွှတ်ခဲ့ကြောင်း ပြောပါလေ”။

“အမောင်ပြောက်ကျား၊မိဘအားကို
ဘာများမှာခဲ့လိုသနည်း”။
“မွေးသည့်မိခင်၊မွေးဖခင်ကို
ဦးတင်ခဲ့ကြောင်း ပြောပါလေ”။

“အမောင်ပြောက်ကျား၊တိုင်းပြည်အားကို
ဘာများမှာခဲ့လိုသနည်း”။
“ခရီးမတ်တပ်၊လမ်းခုလတ်တွင်
ကိုယ်လွတ်ရှောင်ခွာ၊ခွဲရပါ၍
အားနာခဲ့ကြောင်း ပြောပါလေ”။

ယမ်းငွေ့အူအူ၊တလူလူနှင့်
မေးမြူ ကြတုန်း၊အနောက်ကုန်းတွင်
နေလုံးကွယ်လေပြီတကား။

မင်းသုဝဏ် ရေးစပ်သည်။
တော်လှန်ရေးကဗျာတစ်ပုဒ်
၁၉၈၆ ခုနှစ် မြစ်မခစာပေ၏ ပထမအကြိမ်ထုတ် “ မောင်ခွေးဖို့ကဗျာများ “ စာအုပ်မှ