ဖြတ်ရမည့်လမ်း ခရီးကြမ်းနှင့်
စမ်းတဝါးဝါး လျှိုမြောင်ကြားကို
အားကိုးရာမဲ့ သွားတော့တဲ့လား။

ထားခဲ့ပါကွယ်
ဘယ်ဝယ်တောင်မြောက် လမ်းစ ပျောက်လည်း
တစ်ယောက်တည်းပဲ နေရဲပါ့မယ်။

ညလယ်သန်းခေါင်
ကြယ်ပြောင်အမြီး ကော့ထောင်ပြီးလျှင်
ခရီးတစ်ထောက် ရောက်လဲရောက်ပေါ့။

မရောက်တော့လဲ အံကိုခဲပြီး
ဇွဲကြီးကြီးနဲ့ ဖိစီးသောက
ရင်ဆိုင်ရရုံ ကြေကွဲရုံပေါ့
ဒဏ်ကြုံသမျှ ကံပုံချပြီး
ဒုက္ခများစွား ချိုမြိန်ပါမယ်။

ကြမ္မာဂြိုလ်ဆိုး
ဘဝမျိုးနဲ့
တစ်မိုးချုပ်ကို ကြုံမှတော့။

ညကိုဖြတ်သန်း အမှောင်ကမ်းရဲ့
လမ်းဆုံးအရောက် ခရီးပေါက်ရင်
နောက်တစ်နေ့ဖြစ် အရုဏ်လှစ်မယ်
လမ်းသစ်တွေကိုး ဘဝမျိုးနဲ့

ပန်းသစ်ဝေဖြိုး အလှမျိုးနဲ့
မိုးသောက်များစွာ ရောက်မလာတောင်
ဘာပဲဖြစ်ဖြစ် တစ်နေ့သစ်မှာ
တစ်ဆစ်တစ်မျိုး တစ်သစ်ပျိုးလို့
တစ်မိုးသောက်တော့ ရောက်လာမှာပါ။

( နွမ်ဂျာသိုင်း)